Pue Peugah

Pue peugah,
peugah pue,
pue beurangkapue,
asai kueteem peugah.

Teuma ikah pue kaneuk peugah,
peu kiroeh teuma ikah goeb peugah,
koen galak-galak lon pue kupeugah,
nyoe demokrasi, meunyoe han kateupeu peugah,
woe u rumoh buka talam teurasi ikubah.

payah pajoeh bu ie keu kuwah,
tumoen bu nyang mangat cit awai koen kajipeusiblah,
peu peugah, haba peumeurintah,
nyang na gabuek cit keu itek ureueng siblah.

Beunatang droejih han jeut meutapeugah,
nyang paih kacoek sikien koeh gaki siblah,
mangat bek jeut dimeulangkah,
meuhan habeh jiroet naleung gle seulawah.